Пракуратура дамаглася адмены здзелкі пра куплю-продаж кватэры ў Гродне
![Супрацоўніца пракуратуры](/sites/default/files/styles/gallery_main/public/2024-09/prakurorka0109.png.webp?itok=PqWTJdAE)
Супрацоўніца пракуратуры / Гродно+
Жыхарка Гродна была вымушаная з'ехаць за мяжу, таму што ў Беларусі яе пераследуюць па палітычных матывах — вінавацяць у "садзейнічанні экстрэмісцкай дзейнасці". За гэтымі грознымі словамі звычайна хаваецца данат на пару дзясяткаў долараў на карысць арганізацыі, якую беларуская "сістэма правасуддзя" пост фактум абвясціла "экстрэмісцкай".
Кватэру ў 56 квадратных метраў яна па даверанасці, аформленай на брата, прадала бацьку за 3 тысячы рублёў. Праз некаторы час мужчына памёр, і яго маёмасць атрымала ў спадчыну яго жонка. Усё акрамя кватэры, на якую Следчы камітэт наклаў арышт.
Пракуратура вырашыла, што здзелка была фіктыўнай і звярнулася ў суд. Які задаволіў пазоў у поўным аб'ёме і прызнаў здзелку пра куплю-продаж кватэры несапраўднай.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.