Польскія памежнікі арыштавалі беларуса, якога дзесяць гадоў шукалі ў Еўропе
![Кузніца / newgrodno.by](/sites/default/files/styles/gallery_main/public/2023-08/kuznica.jpg.webp?itok=IhKmBoC5)
Кузніца / newgrodno.by
На пункце пропуску ў Кузніцы (Польшча) затрыманы 40-гадовы беларус, які дзесяць гадоў быў у міжнародным вышуку. Яго прыцягнулі да адказнасці за шматлікія рабаванні ў Германіі з ужываннем агнястрэльнай зброі.
Мужчына паспрабаваў ўехаць у Польшчу 17 лютага. Падчас праверкі высветлілася, што беларус у вышуку згодна Еўрапейскаму ордэру на арышт. Ён быў уключаны ў еўрапейскія базы асоб, якіх шукаюць з 2011 года за злачынствы, учыненыя ў 2009-2010 гадах.
Беларусу прыпісваюць удзел у 5 нападах на банкі ў Германіі. Паводле мясцовага заканадаўства, яму пагражае да 15 гадоў пазбаўлення волі.
Пасля высвятлення асобы затрыманага перадалі супрацоўнікам паліцыі ў Сакулку, паведамляе hrodna.life. Далей разбірацца па гэтай справе будзе пракуратура ў Беластоку.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.