Польская паліцыя па фота шукае злачынцу, які ў метро абрабаваў беларуску
Пошукамі злодзея паліцыя займаецца па ўсёй Варшаве.
Паведамляецца, што мужчына падышоў да пасажыркі метро, вырваў у яе з рук сумачку, а пасля ўцёк. Пацярпелай аказалася беларуска. У яе было скрадзена каля 1300 злотых (430 долараў).
Здарэнне адбылося на станцыі метро Pole Mokotowskie яшчэ 11 лістапада, аднак да гэтага часу мужчыну не знайшлі. Злодзей трапіў на камеру назірання і паліцыя просіць апазнаць яго па фота.
