Польшча гатовая выдаткаваць $2 млрд на тое, каб у яе была вайсковая база ЗША

Польшча гатовая выдаткаваць 1,5-2 млрд долараў на тое, каб у яе была пастаянная вайсковая база ЗША. Пра гэта гаворыцца ў дакуменце польскага міністэрства абароны, інфармуе сайт wiadomosci.onet.pl. Вядома, што "Прапанова аб пастаяннай прысутнасці ЗША ў Польшчы" была распрацаваная ў рамках мерапрыемстваў, накіраваных на павелічэнне прысутнасці амерыканскіх узброеных сіл на польскай зямлі. Неабходнасць у гэтым тлумачыцца "стрымліваннем Расіі", якая "пагражае Еўропе".

Дакумент атрымалі зацікаўленыя амерыканскія структуры, у тым ліку і Кангрэс.