Віктар Орбан анансаваў "новы сюрпрыз"
Орбан і Лукашэнка
Прэм'ер Венгрыі Віктар Орбан рыхтуе чарговы "сюрпрыз". На панядзелак у яго запланаваны яшчэ адзін візіт, куды менавіта — Орбан не ўдакладняе. Але з улікам стасункаў паміж афіцыйным Будапештам і рэжымам Лукашэнкі, гэта можа быць нават Беларусь. Напрыклад, кіраўнік МЗС Венгрыі бываў у Мінску і пасля 2020-га, і пасля 2022-га.
Адначасова Орбан раскрытыкаваў калег па ЕС, сказаўшы: "еўрапейскія бюракраты ніколі не ўсталююць мір".
З 1 ліпеня Венгрыя з'яўляецца старшынёй Савета ЕС. Але ані Савет ЕС, ані Еўракамісія не давалі Орбану мандат прадстаўляць увесь ЕС і яго пазіцыю падчас размоваў з Пуціным.
