Пінская грамадскасць дамаглася аднаўлення выгляду старога будынку
Унікальны для Пінску трохкутны будынак ХІХ ст. быў упрыгожаны ільвінымі галовамі. Летам пры вядзенні рамонтных работ будаўнікі проста збілі аздабленне на фасадзе. Неабыякавыя пінчукі звярнуліся ў гарвыканкам. Неўзабаве службоўцы аддзелу культуры выканкама вынеслі прадпісанне арганізацыі-падрадчыку, абавязалі аднавіць знешні выгляд будынка. Сплаціўшы штраф, будаўнікі прадпісанне выканалі.
