Пі Джэй Харві будзе ваенным карэспандэнтам у музеі
Размешчаны ў Лондане Імперскі ваенны музей прапанаваў спявачцы PJ Харві пасаду ваеннага карэспандэнта, паведамляе The Guardian.
Адправіць PJ на боле бою музейшчыкі вырашылі пасля таго, як у інтэрв'ю Радыё ВВС спявачка прызналася, што пагадзілася б наведваць месцы ўзброеных канфліктаў і потым пісаць песні на аснове атрыманага досведу.
Натхнёныя выказваннем грамадзянкі Харві прадстаўнікі Імперскага ваеннага музея заявілі, што іх установе спатрэбіліся б "новыя вочы" і "новы голас".
Зараз мяркуецца, што PJ Харві можа падрыхтаваць трэкі, якія будуць выкарыстоўвацца для афармлення экспазіцыі.
Адзначым, што перад напісаннем песень, якія ўвайшлі ў новы альбом, PJ два з паловай гады вывучала гісторыю ваенных канфліктаў. Пласцінка пад назвай "Let England Shake" паступіла ў продаж 14 лютага.
Фота: pastemagazine.com