Ператрус у офісе tut.by яшчэ працягваецца
Па стане на 16.38 на офісе партала tut.by усё яшчэ працягваўся ператрус. Некалькі супрацоўнікаў выкліканыя на допыт.
На допыт у Следчы камітэт былі дастаўленыя шэсць чалавек — галоўны рэдактар партала Марына Золатава, рэдактар аддзела навін Ганна Калтыгіна, дзяжурны рэдактар Галіна Уласік, рэдактар раздзела "Грамадства" Ульяна Бабаед, рэдактар рэсурсу FINANCE.TUT.BY Дзмітрый Бобрык, журналіст рэсурсу 42.TUT.BY Ганна Ермачонак. Іх тэлефоны заблакаваныя.
Сваякі паведамляюць таксама, што з раніцы аўторка няма сувязі з экс-рэдактарам TUT.BY Яўгеніяй Беразюк. Следчы камітэт не пацвярджае яе затрыманне, хоць ёсць звесткі, што падчас ператрусу яе асабістай справай цікавіліся.
Золатава, Уласік, Калтыгіна, паводле неафіцыйнай інфармацыі, затрыманя на трое сутак.
У офісе БелаПАН, як паведамілі яго супрацоўнікі, ператрус цягнуўся восем гадзінаў. З офісу была вынесеная аргтэхніка. Журналістку інфармагенцтва Таццяну Каравянкову таксама даставілі ў Следчы камітэт.
