Пераможцам латарэі ў Глыбокім выдалі па чатыры тоны гною
![Пераможцам латарэі ў Глыбокім выдалі па чатыры тоны гною](/sites/default/files/styles/gallery_main/public/2023-08/hnoj-0510.jpg.webp?itok=t3dRffvI)
Нетрадыцыйныя прызы атрымалі пераможцы латарэі "Шчаслівы выпадак". Яе разыгралі 2 кастрычніка на сельскагаспадарчым кірмашы ў Глыбокім.
Як піша kraj.by, глыбачане набылі больш за 150 квіткоў латарэі. Шчаслівыя квіткі прыносілі свамі уладальнікам згушчонку і каўбасу, дубовыя венікі ды саджанцы дрэваў.
А супер-прызам сталі два цяляці ды 16 тон арганічных угнаенняў — па чатыры тоны на пераможцу. Дарэчы, супер-пераможцам апынулася Раіса Грыдзюшка з Глыбокага: яна выйграла і адно цяля і чатыры тоны гною.