Патоп дабраўся да Сочы — горад пад вадой (фота)
Праз трапічную залеву ў горадзе абвешчанае надзвычайнае становішча.
Вуліцы Сочы аказаліся непадрыхтаванымі да трапічнай залевы. Сем раёнаў горада затапіла, абвешчаны рэжым надзвычайнага становішча. Людзей з пацярпелых раёнаў эвакуююць ратавальнікі на спецтэхніцы.
Абстаноўка ў горадзе складаная — узровень вады на дарогах дасягае 60 сантыметраў.
У твітары жартуюць, што ў патопе вінаватая дрэнная каналізацыя. Але мэр горада заявіў, што ліўнёўка ў горадзе спраектавана па ўсіх правілах.
