Парашэнка: Вінаватыя ў трагедыі з самалётам будуць пакараныя
Над Украінай у чацвер збілі пасажырскі самалёт Амстэрдам — Куала Лумпур.
Ён ляцеў праз міжнародны калідор на вышыні 10 тысяч метраў. Загінулі 280 пасажыраў і 15 членаў экіпажу. Як мяркуецца, самалёт мог быць збіты з зенітна-ракетнага комплекса "Бук", які з'явіўся ў тэрарыстаў.
Прэзідэнт Украіны Пятро Парашэнка звярнуўся да ўраду з тым, каб тэрмінова была створаная дзяржаўная камісія па расследаванню трагедыі. Ён прапанаваў далучыць да яе працы прадстаўнікоў міжнародных структур. Парашэнка выказаў спачуванні родным і блізкім загінулых.
"Упэўнены, што вінаватыя ў гэтай трагедыі будуць прыцягнутыя да адказнасці", — заявіў Пятро Парашэнка.
