Папа Францішак заклапочаны лёсам затрыманага беларускага ксяндза Лазара
У панядзелак, 30 верасня, Папа Францішак прыняў на прыватнай аўдыенцыі ў Ватыкане Апостальскага нунцыя ў Беларусі арцыбіскупа Клаўдыа Гуджэроці.
Падчас 40-хвіліннай сустрэчы асаблівую ўвагу Пантыфік прысвяціў сітуацыі Каталіцкага Касцёла ў Беларусі. Таксама Папа атрымаў усю інфармацыю, якой валодае Апостальскі нунцый, пра становішча святара Уладзіслава Лазара. Пантыфік выказаў сваю заклапочанасць і папрасіў, каб яго асабіста рэгулярна інфармавалі пра далейшае развіццё падзеяў, паведамляе сайт catholic.by.
Нагадаем, што ксяндза Уладзіслава Лазара вінавацяць у перадачы грошай і матэрыяльных каштоўнасцяў чалавеку, абвінавачанаму ў шпіянажы на карысць іншай дзяржавы.
Фота — AFP
