Падлетак атрымаў апёкі, працуючы ў апёкавым аддзяленні лякарні
Здарэнне адбылося пры пажары ў Гомельскай гарадской клінічнай лякарні №1.
Як паведамляе БелаПАН, у лякарні праводзіліся фарбавальныя работы. Пасля іх завяршэння два 16-гадовыя падлеткі засталіся прыбраць смецце. Яны працавалі дапаможнымі рабочымі.
Хлопцы закурылі ў памяшканні, ад чаго адбылася ўспышка пароў, загарэліся лакафарбавыя матэрыялы. Адзін з падлеткаў уцёк, другі застаўся гасіць пажар. Пры гэтым ён атрымаў апёкі і быў шпіталізаваны ў тую ж лякарню.
Пажар удалося пагасіць да прыбыцця выратавальнікаў.
Фота — top4man.ru