Падчас залевы з гарадскога транспарту эвакуявалі 36 чалавек
А транспарт у Мінску стаяў больш за гадзіну.
Пра гэта Еўрарадыё паведаміў прэс-сакратар Мінскага гарадскога ўпраўлення МНС Віталь Дэмбоўскі.
Дэмбоўскі: “Зараз дождж сціх, і ўсё супакоілася. Папярэдне магу сказаць, што з грамадскага транспарту было эвакуявана 36 чалавек — з тралейбусаў ды маршрутак. Затрымка транспарту склала максімальна каля 1 гадзіны 15 хвілінаў”.
Найбольшую колькасць пасажыраў давялося эвакуяваць з тралейбуса ў Зялёным Лузе, на вуліцы Русіянава.
Нагадаем, што зранку 14 жніўня сталіцу затапіла пасля магутнай залевы. Транспартны калапс ахапіў практычна ўвесь горад.
Фота з сацыяльных сетак
