Пад Івацэвічамі па віне п’янага кіроўцы загінула маладая дзяўчына
Яна была пасажыркай аўто, за рулём якога быў нецвярозы бяспраўнік.
Дарожная аварыя з гібеллю чалавека адбылася ўвечары 7 жніўня ў Івацэвіцкім раёне. 36-гадовы кіроўца ехаў на аўтамабілі “Фольксваген Пола” і вёз у салоне траіх пасажырак. На закругленні дарогі непадалёк ад вёскі Выганошчы шафёр не справіўся з кіраваннем, выехаў на левую абочыну і перавярнуўся.
У выніку 26-гадовая пасажырка загінула на месцы. Другая атрымала ўдары галаўнога мозгу, грудной клеткі і левага сцягна. Яшчэ адна пасажырка, 41-гадовая жанчына, шпіталізаваная ў траўматалогію Івацэвіцкай раённай лякарні.
Абедзве пасажыркі ў момант аварыі не былі прышпіленыя рэмнямі бяспекі. Кіроўца быў п’яным і да таго ж ніколі не меў правоў на кіраванне транспартам, паведамляе сайт Брэсцкай абласной ДАІ.
Фота з архіву
