Пад Ганцавічамі замежнікі выкінулі 4 тоны кавуноў, а вяскоўцы іх з'елі

Некалькі тон кавуноў, якія гандляры з-за мяжы выкінулі на сметнік каля вёскі Хатынічы Ганцавіцкага раёна, мясцовыя жыхары размялі за некалькі гадзінаў і з’елі.  Вяскоўцы неслі кавуны мяхамі, спрытнейшыя везлі фурманкамі і прычэпамі.

- Тоны чатыры было. Ёсць бітыя і падгнілыя, але шмат і добрых, - сказала карэспандэнту “Еўрарадыё” адна са збіральніц кавуноў.

Кавуны прывезлі замежныя камерсанты і частку абмянялі на бульбу. Рэштку раздалі. А што не раздалі – выкінулі. 

У інфекцыйным аддзяленні мясцовага шпіталю карэспандэнту “Еўрарадыё” сказалі, што ніхто з атручаннямі ці разладам стрававання апошнім часам не звяртаўся.