Па вяртанні з Балгарыі, Арменіі і Малдовы самаізаляцыя больш не патрэбная
У Нацыянальным аэрапорце інфармацыю пра грамадзян, якія павінны адсядзець каранцін, адсочваюць памежнікі / БЕЛТА
Міністэрства аховы здароўя Беларусі абнавіла спіс краін "чырвонай зоны". З яго прыбралі 9 краін: Паўночную Македонію, Сан Марына, Манака, Арменію, Боснію і Герцагавіну, Славакію, Балгарыю, Малдову і Сербію.
Цяпер па вяртанні з гэтых краін не трэба захоўваць самаізаляцыю на працягу 10 дзён.
У беларускім спісе краін, па вяртанні з якіх трэба "адсядзець каранцін", засталіся 132 краіны. У тым ліку ЗША, Канада і большасць еўрапейскіх дзяржаў. З суседніх з Беларуссю краін у гэтым спісе няма толькі Расіі.
