Па справе дыверсіі ў Мачулішчах затрымалі мужа і жонку Лапаціных — "Вясна"
![Максім Лапацін / кадр з тэлеканала "Беларусь 1"](/sites/default/files/styles/gallery_main/public/2023-08/lapacin-2803.jpg.webp?itok=gJv0v3mQ)
Максім Лапацін / кадр з тэлеканала "Беларусь 1"
Па справе дыверсіі на аэрадроме ў Мачулішчах супрацоўнікі КДБ 3 сакавіка затрымалі Максіма Лапаціна. Мужчыну трымаюць у СІЗА КДБ, паведамляюць праваабаронцы "Вясны". Пра Лапаціна ў сваім фільме па БТ узгадвалі прапагандысты.
23 сакавіка затрымалі і жонку Максіма — Людмілу Лапаціну. Абаім ім інкрымінаваны артыкул 289 КК — "Тэрарызм". У Лапаціных — двое непаўналетніх дзяцей.
26 лютага на вайсковым аэрадроме ў Мачулішчах быў пашкоджаны расійскі самалёт-разведчык А-50. Адказнасць за гэта ўзяла на сябе арганізацыя былых сілавікоў ByPol. Аднак беларускія ўлады заяўляюць, што дыверсію зрабіў грамадзянін Украіны Мікалай Швец, якога затрымалі спецслужбы.
Па крымінальнай справе разам з ім, як паведамлялася, праходзяць каля 20 чалавек.
Расійскі самалёт пасля дыверсіі адправіўся на рамонт на Таганрогскі авіярамонтны завод.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.