Вы тут

Па справе аб дамоўных матчах абвінавачаныя 20 чалавек

Ілюстрацыйнае фота / pixabay.com

Па справе аб дамоўных матчах абвінавачанымі праходзяць 20 чалавек. Крымінальную справу на іх Генпракуратура накіравала ў Мінскі гарадскі суд.

Згодна з матэрыялам следства, былі выяўленыя 15 подкупаў удзельнікаў прафесійных спаборніцтваў, адзін замах на такі подкуп, а таксама 12 фактаў крадзяжоў, звязаных з махлярствам пры стаўках у букмекерскіх канторах.

Следчыя сцвярджаюць, што абвінавачаныя Л. і Б. перадалі, а спартоўцы футбольных і адной валейбольнай каманды прынялі хабар за ўабеспячэнне патрэбных вынікаў. Гаворка ідзе пра гульні чэмпіянату Беларусі па футболе сярод камандаў вышэйшай і першай ліг, матч Кубка Рэспублікі Беларусь па футболе, а таксама матч чэмпіянату Беларусі па валейболе. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.