Офіс Ціханоўскай правядзе канферэнцыю, прысвечаную Канстытуцыі Новай Беларусі
![Канстытуцыя Беларусі 1994 года](/sites/default/files/styles/gallery_main/public/2024-03/kanstyt.jpg.webp?itok=3iwlzg2E)
Канстытуцыя Беларусі 1994 года / kurjer.info
Офіс Святланы Ціханоўскай арганізуе канферэнцыю, прысвечаную абмеркаванню Канстытуцыі Новай Беларусі і шасці законапраектаў, "падрыхтаваных у яе развіццё і дапаўненне". Мерапрыемства адбудзецца 15 сакавіка ў Літве. У ім прымуць удзел кіраўніца Аб'яднанага пераходнага кабінета Беларусі Святлана Ціханоўская, спікерка Сейма Літвы Вікторыя Чміліце-Нільсен, прэзідэнт Парламенцкай асамблеі "Еўранэст" Андрус Кубілюс, кіраўнік дэлегацыі Еўрапарламента па Беларусі Юозас Алекас, кіраўнік групы "За дэмакратычную Беларусь" Жыгімантас Павілёніс, беларускія і міжнародныя эксперты.
"Калі Беларусь стане прававой краінай, Канстытуцыя будзе законам прамога дзеяння, які гарантуе, што мы больш ніколі не вернемся да дыктатуры, — кажа ў відэазвароце дарадца Ціханоўскай па парламенцкім супрацоўніцтве і канстытуцыйнай рэформе Анатоль Лябедзька. — Тым, хто сумняваецца, скажу наступнае: цаніце час — гэта рэсурс, вельмі актуальны. Мы і так згубілі неймаверна шмат часу. Яго ў нас няма. Рабіце сёння тое, на што не будзе часу заўтра".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.