Вы тут

Новы небяспечны штам COVID-19 дабраўся да ЕС — ён знойдзены ў Бельгіі

Гэтая разнавіднасць віруса мае 32 мутацыі / Ілюстрацыйнае фота Unsplash​

Першы выпадак заражэння новым штамам каранавіруса — варыянтам B.1.1.529 у Еўрасаюзе зафіксаваны ў Бельгіі, паведамляе "Інтэрфакс" са спасылкай на франкамоўныя СМІ.

Новы штам COVID выяўлены ў чалавека, які вярнуўся ў Бельгію з-за мяжы, ён захварэў 22 лістапада.

Раней першы выпадак заражэння новым штамам каранавіруса выявілі ў Ізраілі.

Варыянт B.1.1.529 знойдзены ў Паўднёвай Афрыцы, Батсване, Ізраілі і ў турыста, які прыбыў у Ганконг з Паўднёвай Афрыкі. Гэтая разнавіднасць віруса мае 32 мутацыі, што ўяўляе сур'ёзную праблему.

Як паведамляла Еўрарадыё, Сусветная арганізацыя аховы здароўя збірае ў пятніцу надзвычайнае пасяджэнне па тэме новага штаму каранавіруса. Ці абароняць ад гэтага штаму прышчэпкі, пакуль незразумела. СААЗ плануе даць адказ на гэтае пытанне на працягу некалькіх тыдняў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.