Непаўналетняга затрымалі за допіс пра тое, што беларусы заўжды ваявалі з Расіяй
Супрацоўнікі ГУБАЗіКа затрымала 17-гадовага аўтара газеты "Прессбол" Рамана Качыну. Пакаяльнае відэв з ім з'явілася ў праўладных тэлеграм-каналах.
Сёлета Раман скончыў школу і планаваў паступаць на журфак.
Па словах сілавікоў, якія перадаюць праваабаронцы "Вясны", у 2020-м хлопец удзельнічаў у акцыях пратэсту. Таксама яго вінавацяць у "распальванні варожасці ў адносінах да жыхароў Расійскай Федэрацыі". У "пакаяльным відэа" юнак кажа, як пісаў, што беларусы заўсёды ваявалі з Расіяй.
