Настаўнікам зноў паабяцалі падняць заробак. Каторы раз і каторы год?

/ Еўрарадыё
/ Еўрарадыё

Тое, як беларускія ўлады абяцаюць падняць заробкі бюджэтнікам, можна слухаць бясконца. У прамым сэнсе. Яшчэ ў красавіку 2014 года Аляксандр Лукашэнка казаў, што "суадносіны заробку бюджэтнікаў і сярэдняга па краіне далёкія ад аптымальных — крыху больш за 70%". "Гэта таксама датычыцца настаўнікаў і лекараў", — удакладняў ён.

Прайшло амаль сем гадоў, а заробкі настаўнікаў і цяпер там. 3 студзеня ў эфіры тэлеканала СТБ міністр адукацыі Ігар Карпенка кажа, што "сёння заработная плата ў педагагічных работнікаў каля 75 адсоткаў ад сярэдняй заработнай платы". Але затое да 2025 года яна "павінна быць не меншая за 100 адсоткаў сярэдняй заработнай платы па краіне".

Учителям снова пообещали поднять зарплату. Который раз и который год?
Звесткі Белстата / Еўрарадыё

Па звестках Белстата за трэці квартал 2020 года, сярэдні заробак у адукацыі склаў 853 рублі, а сярэдні па краіне — 1278 рублёў. Гэта значыць, што заробак педагогаў складаў толькі 66,7% ад заробку па краіне. Гэта значыць, з тых часоў, як Лукашэнка гаварыў пра крыху больш за 70%, сітуацыя не тое каб змянілася ў лепшы бок.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі