Нацбанк Беларусі возьме пад кантроль грашовыя пераводы ў 2014 годзе (відэа)
Пра гэта паведаміў намеснік старшыні праўлення Нацбанка Сяргей Дубкоў.
Паводле яго словаў, Нацыянальны банк Беларусі ў першым паўгоддзі наступнага года разлічвае пачаць атрымліваць ад беларускіх банкаў інфармацыю пра грашовыя пераводы грамадзян.
"Нацбанк Беларусі і Цэнтрабанкі краін ЕўрАзЭС падпісалі мемарандум аб парадку здзяйснення і ўліку грашовых пераводаў", — цытуе словы Дубкова "Интерфакс-Запад". Намеснік старшыні праўлення Нацбанка адзначыў, што ўнутры Мытнага саюза існуе свабода на перасоўванне капіталу, аднак банкаўская сістэма кожнай краіны павінна мець рэальную інфармацыю аб перасоўванні грашовых сродкаў насельніцтва.
