На волю выйшлі палітзняволеныя Вольга Лойка, Аляксандр Дайнэка і Андрэй Аўдзееў

На волю выйшлі палітзняволеныя Вольга Лойка, Аляксандр Дайнэка і Андрэй Аўдзееў

17 сакавіка стала вядома, што на волю выйшлі беларускія палітзняволеныя Вольга Лойка, Аляксандр Дайнэка і Андрэй Аўдзееў. Яны — фігуранты "справы TUT.by", правялі за кратамі ў СІЗА № 1 Мінска 10 месяцаў.

11 сакавіка стала вядома пра змяненне меры стрымання яшчэ траім фігуранткам справы, палітзняволеным Анжэле Асад, Марыі Новік і Ірыне Рыбалка. Вызваленым у чацвер траім палітвязням таксама змянілі меру стрымання, абвінавачванні не знятыя.

Лойка была галоўным рэдактарам палітыка-эканамічнага блока навінаў партала, Дайнэка — намеснікам гендырэктара па тэхнічных пытаннях, а Аўдзееў — менеджарам.

Па "справе TUT.by" у траўні мінулага года было затрымана 15 чалавек. Партал у Беларусі быў заблакаваны, а пазней прызнаны "экстрэмісцкім". Затрыманых супрацоўнікаў абвінавацілі ва ўхіленні ад выплаты падаткаў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі