На волю выйшла бухгалтар БелаПАН Кацярына Боева
![Затрыманых супрацоўнікаў агенцтва БелаПАН прызналі палітвязнямі](/sites/default/files/styles/gallery_main/public/2023-08/belapan-1908_0.jpeg.webp?itok=N5oYw-mT)
Затрыманых супрацоўнікаў агенцтва БелаПАН прызналі палітвязнямі
Бухгалтар інфармагенцтва БелаПАН Кацярына Боева выйшла на волю з ІЧУ на Акрэсціна сёння, а 10 раніцы. Яна вызвалена пад абавязацельства аб яўцы і застаецца ў статусе падазраванай, паведамляюць naviny.by.
За кратамі застаюцца дырэктар і галоўны рэдактар БелаПАН Ірына Леўшына, а таксама экс-дырэктар агенцтва Дзмітрый Наважылаў. Яны застаюцца пад вартай у статусе падазраваных па ч. 2 арт. 243 КК (ухіленне ад выплаты падаткаў, што пацягнула прычыненне ўрону ў буйным памеры).
Нагадаем, супрацоўнікі агенцтва БелаПАН былі затрыманыя 18 жніўня 2021 года. Тады ў офісе і дома ў супрацоўнікаў прайшлі ператрусы. Ператрусы, як пазней удакладнілі ў Следчым камітэце, адбываліся ў межах крымінальнай справы аб арганізацыі і падрыхтоўцы дзеянняў, што груба парушаюць грамадзкі парадак (арт. 342 КК).
Затрыманне супрацоўнікаў інфармагенцтва БелаПАН пракаментавала знешнепалітычная служба Еўрасаюза. Яна заклікала ўлады Беларусі вызваліць супрацоўнікаў БелаПАН і дзясяткі іншых журналістаў.
Праваабаронцы расцанілі ператрусы ў БелаПАН і затрыманне яго супрацоўнікаў "працягам мэтанакіраванай палітыкі ўладаў па абмежаванні распаўсюджвання непадцэнзурнай інфармацыі ў краіне і працягам наступу на свабоду слова" і прызналі затрыманых палітвязнямі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.