На ўкраінска-расійскай мяжы мужчына падарваў сябе выбухоўкай
Здарэнне адбылося ўначы ў пункце пропуску "Бачэўск" у Сумскай вобласці Украіны.
Мужчына загінуў, двое ўкраінскіх памежнікаў шпіталізаваныя ў цяжкім стане.
Як паведамляе Памежная служба Украіны, на мяжы правяралі аўтобус з нумарамі Малдовы. Акрамя чатырох грамадзян гэтай краіны, украінскія памежнікі знайшлі невядомага мужчыну, які хаваўся ў салоне.
Падчас высвятлення асобы затрыманага той паказаў расійскі пашпарт, які яму не належыў. У памяшканні пашпартнага кантроля мужчына падарваў сябе невядомым выбуховым прыстасаваннем. Праводзіцца расследаванне здарэння.
Фота — dpsu.gov.ua
