На стартавы этап Кубка свету паедуць 17 беларускіх біятланістаў
Першы этап Кубка свету пройдзе ў шведскім Эстэрсундзе / Ілюстрацыйнае фота biathlon.by
Беларуская федэрацыя біятлона ў панядзелак вызначылася са складам на стартавыя этапы Кубка свету і Кубка IBU.
Першы этап Кубка свету пройдзе ў шведскім Эстэрсундзе 27-28 лістапада. У складзе жаночай каманды выступяць Ірына Лешчанка, Дынара Алімбекава, Ганна Сола, Алена і Ірына Кручынкіны. У мужчынскіх спаборніцтвах возьмуць удзел Антон Смольскі, Сяргей Бачарнікаў, Раман Ялётнаў, Максім Варабей і Дзмітрый Лазоўскі.
Першы этап Кубка IBU адбудзецца ў шведскім Ідры 25-28 лістапада. У жаночых гонках стартуюць Аліна Пільчук, Наталля Карніцкая і Юлія Кавалеўская, у мужчынскіх — Мікіта Лабастаў, Ілля Тулацін, Ілля Аўсеенка і Антон Шыдлоўскі.
