На Сахашчыка, Ціханоўскую і Азарава завялі крымінальную справу за "харугвы"
На думку МУС, харугвы павінны "прачнуцца" падчас электаральных кампаній 2024-2025 гадоў / Euroradio
Дзвесце чалавек правяраюць супрацоўнікі ГУБАЗіК МУС у рамках крымінальнай справы, заведзенай па факце стварэння "Паспалітага рушання" і "харугваў", якія ў яго ўваходзяць.
Сярод тых, на каго завялі крымінальную справу, — Святлана Ціханоўская, Валерый Сахашчык і Аляксандр Азараў.
“Паводле задумы стваральнікаў, пасля падрыхтоўкі ўдзельнікі фарміравання з ліку збеглых злачынцаў, прадстаўнікоў дыяспар і студэнтаў, якія навучаюцца за мяжой, павінны вярнуцца ў Беларусь пад добрапрыстойнымі падставамі. У далейшым сфармаваць ўжо навучаную "пятую калону" для вядзення дыверсійнай, тэрарыстычнай і агентурнай працы", — мяркуюць у МУС.
На думку сілавікоў, арганізацыю плануецца выкарыстоўваць падчас электаральных кампаній 2024-2025 гадоў.
