На праўладным мітынгу “Беларусь за Расію” адбыліся затрыманні
Як мінімум два чалавекі затрымалі падчас мітынгу “Беларусь за Расію” 30 красавіка, паведамляюць праваабаронцы.
Сярод затрыманых — Кацярына Шыцікава.
— Калі яна з сябрамі праходзіла міма мітынгу, то пачала спрачацца з адной удзельніцай. Потым да яе прыйшлі супрацоўнікі міліцыі. Кацярыну выклікалі ў Цэнтральны РУУС на размову, пасля якой яе не выпусцілі, — пішуць праваабаронцы.
У Мінску адбыўся мітынг “у падтрымку Расіі”. Невялікая група людзей з дзяржаўнымі, савецкімі і расійскімі сцягамі сабралася на плошчы Незалежнасці. Яны прайшлі маршам па горадзе.
