На пажары ў Пінскім раёне загінулі маці і сын
На пажары ў вёсцы Качановічы Пінскага раёна загінулі два чалавекі, паведамляе прэс-служба Міністэрства па надзвычайных сітуацыях.
Ратавальнікі атрымалі паведамленне пра пажар 23 красавіка каля 2.30. Стыхія знішчыла дах, перакрыцці і маёмасць. У агні загінулі 81-гадовая гаспадыня дома і яе 45-гадовы сын.
Прычыны пажару высвятляюць спецыялісты. Пакуль разглядаюцца дзве асноўныя версіі — парушэнне правілаў эксплуатацыі электрасетак і электраабсталявання ці неасцярожнае абыходжанне з агнём з боку загінулага мужчыны.
