На парламенцкіх выбарах у Венесуэле ўпершыню за 17 гадоў перамагла апазіцыя
На парламенцкіх выбарах у Венесуэле, якія прайшлі 6 снежня, апазіцыя атрымала пераважную большасць месцаў у Нацыянальным Сходзе. Гэта першая перамога праціўнікаў дзейнай улады за апошнія 17 гадоў, адзначае РБК.
Прэзідэнт краіны Нікалас Мадура прызнаў перамогу апазіцыі. Ён адзначыў, што, нягледзячы на неспрыяльныя для яго асабіста вынікі, у Венесуэле перамаглі дэмакратыя і канстытуцыя. У сваім тэлезвароце ён падкрэсліў: "Сёння я магу сказаць, што перамагла эканамічная вайна".
На думку аналітыкаў, на вынікі выбараў паўплывала стомленасць насельніцтва ад разгулу злачыннасці, пастаяннага недахопу асноўных тавараў і высокай інфляцыі. Таксама значны ўплыў на эканоміку Венесуэлы аказала падзенне коштаў на нафту.
Новы парламент пачне сваю працу ў студзені 2016 года і будзе працаваць пяць гадоў.
Фота: AFP
