На наваполацкім прадпрыемстве па вырабе масцікі загарэўся бітум
30 ліпеня ў 23:37 наваполацкіх ратавальнікаў выклікалі на пажар па вуліцы Прамысловай, інфармуе прэс-служба МНС.
На месцы выкліку супрацоўнікі МНС пабачылі адкрытае гарэнне бітуму ў цыліндрычнай ёмістасці. Пажар здарыўся на мікрапрадпрыемстве па вырабе бітумнай масцікі ТАА "Кровальянс". Выявіў яго вартаўнік прадпрыемства, які адразу ж выклікаў падраздзяленні МНС.
Пацярпелых пры здарэнні няма. Агонь пашкодзіў электраабсталяванне печы па падагрэве бітуму.
Мяркуецца, што прычынай пажару магло стаць парушэнне правілаў эксплуатацыі электрасетак і электраабсталявання.