На мяжы з Беларуссю загінуў польскі вайсковец
![На мяжы з Беларуссю загінуў польскі вайсковец](/sites/default/files/styles/gallery_main/public/2023-08/pap_20210823_0x9.jpg.webp?itok=GGWHQ7h2)
На мяжы з Беларуссю загінуў польскі вайсковец. Пра няшчасны выпадак паведаміла 17-я Вялікапольская механізаваная брыгада. Паводле папярэдняй інфармацыі, “адбыўся стрэл са службовай зброі”. Ён і стаў прычынай смерці. Падкрэсліваецца, што "у здарэнні не ўдзельнічалі трэція асобы".
Вайсковец прыбыў на мяжу тыдзень таму і з мігрантамі кантактаў не меў. Ён служыў у рэзерве і "не выконваў заданні непасрэдна на польска-беларускай мяжы".
На мяжы Беларусі і Польшчы захоўваецца напружаная сітуацыя з-за міграцыйнага крызісу. У раёне "Брузгоў" знаходзіцца лагер некалькіх тысяч мігрантаў, якія спадзяюцца патрапіць у Польшчу. Польскі бок не збіраецца іх прапускаць і ўскладае адказнасць за сітуацыю на афіцыйны Мінск. Уладам Беларусі пагражаюць новыя заходнія санкцыі.
12 лістапада падчас вучэнняў каля Гродна загінулі два расійскія дэсантнікі.
Bardzo smutna wiadomość. Żołnierz @11LDKPanc zmarł w czasie pełnienia służby. Wyrazy współczucia dla najbliższych. https://t.co/KjP10wSoow
— Stanisław Żaryn (@StZaryn) November 13, 2021
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.