На мяжы Беларусі з Украінай з'явілася яшчэ адна новая застава
Новая застава / vk.com/gpkgovby
На мяжы Беларусі з Украінай з'явілася яшчэ адна новая застава. Яна знаходзіцца на ўчастку адказнасці Мазырскага памежнага атрада. Адзначаецца, што "сучасны комплекс дасць магчымасць памежнікам павысіць эфектыўнасць выканання задач".
Папярэдняя новая памежная застава з'явілася ў лютым. Яе абсталявалі на ўчастку Пінскага памежнага атрада ў Іванаўскім раёне Брэсцкай вобласці.
Рэжым Аляксандра Лукашэнкі абгрунтоўвае неабходнасць умацавання аховы мяжы з Украінай "правакацыямі", "мілітарызацыяй" памежнай зоны на ўкраінскім баку і "складанай міграцыйнай сітуацыяй". Насамрэч, ва Украіне ўмацоўваецца ахова мяжы, паколькі не выключаецца паўторная спроба Расіі ўварвацца на ўкраінскую зямлю праз Беларусь.
