На "Лініі Сталіна" ўзновяць акт генацыду
Лінія Сталіна / са старонкі комплекса ў Фэйсбуку
"3 ліпеня ў рэканструкцыі бою на "Лініі Сталіна" будзе ўзноўлены (у арыгінале па-руску "воспроизведен". — Еўрарадыё) акт генацыду, здзейснены немцамі на нашай зямлі".
Такая абвестка з'явілася ў сацсетках гісторыка-культурнага комплексу, размешчанага каля Заслаўя. Мяркуючы па відэароліку, прымацаванаму да абвесткі, там пакажуць, як людзей жыўцом спальваюць у буданчыку.
Беларуская прапаганда апошнім часам зацыклілася на тэме генацыду часоў Другой сусветнай вайны — каб менш увагі звярталі на цяперашнія злачынствы рэжыму Лукашэнкі. Аднак узнаўленне акту генацыду — гэта штосьці новае.
