На ільнозаводзе праз тыдзень пасля прыезду Лукашэнкі адбыўся пажар
Зранку 25 верасня на адным са складоў Арэхаўскага ільнозавода ў Аршанскім раёне адбылося ўзгаранне сыравіны.
Як паведамляе БЕЛТА, да месца узгарання неадкладна выбылі супрацоўнікі падраздзяленняў МНС, Следчага камітэта, Дзяржаўнага камітэта судовых экспертыз. Следчыя працуюць на месцы здарэння: апытваюць відавочцаў, працуе крыміналістычная лабараторыя СК.
Прычына ўзгарання і прычыненая шкода высвятляюцца. Пацярпелых няма.
Як паведамляла Еўрарадыё, 19 верасня Арэхаўскі льнозавод і Аршанскі льнокамбінат наведаў Аляксандр Лукашэнка.
Фота — з архіву БЕЛТА