На гродзенскім "Азоце" на COVID-19 захварэлі 29 чалавек

На гродзенскім прадпрыемстве "Азот" павялічылася колькасць хворых, піша newgrodno.by.

Па стане на 18 траўня станоўчы тэст на каранавірус выяўлены ў 29 чалавек. Прычым восем з іх ужо вылечыліся. 

На самім "Азоце" налічваецца 37 кантактаў першага ўзроўню і 38 — другога. У філіяле "Завод Хімвалакно" — чатыры кантакты першага ўзроўню. 

Агульная колькасць хворых на ВРВІ — 60 чалавек (54 з іх — у ААТ "Гродна Азот"). Упершыню выяўленых — 11 (у ААТ "Гродна Азот" 10), вылечыліся 15 чалавек (у ААТ "Гродна Азот" 13). У двух чалавек у ААТ "Гродна Азот" зарэгістраваная пнеўманія.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.