На дне Чорнага мора знайшлі 40 караблёў Візантыйскай і Асманскай імперый (фота)

На дне Чорнага мора знайшлі больш за 40 караблёў Візантыйскай і Асманскай імперый. Яны выдатна захаваліся, дзякуючы таму, што ўвесь гэты час знаходзіліся на глыбіні 1800 метраў (там нізкае ўтрыманне кіслароду), адзначае брытанскае выданне Daily Mail.

Спецыялісты абследавалі дно з дапамогай найноўшага глыбокаводнага абсталявання. Яны адсканавалі дно ў радыусе некалькіх кіламетраў, зрабілі якасныя 3D-здымкі. На іх можна разгледзець старажытныя караблі.

Адзначаецца, што пошукі "могілак" караблёў у Чорным моры праводзіліся ў адпаведнасці з картай старажытных маршрутаў, якія злучалі Візантыйскую імперыю з суседнімі дзяржавамі.