На Данбасе знікла без вестак ужо амаль 1700 чалавек
Афіцыйная лічба — 1695 чалавек.
Пра гэта паведаміў начальнік Галоўнага следчага ўпраўлення Службы бяспекі Украіны Васіль Воўк.
Паводле яго інфармацыі, у раёне вёскі Нікішына былі захопленыя ў палон 5 украінскіх перамоўшчыкаў. Ён спадзяецца, што ў бліжэйшы час яны будуць вызваленыя.
Разам з тым Васіль Воўк не мае інфармацыі, колькі са зніклых без вестак асобаў можа знаходзіцца ў палоне ў баевікоў.
Таксама ён адзначыў, што на сёння праведзена каля сотні ДНК-экспертыз загінулых, перадае УНІАН.
