На цукровы завод у Жабінцы разам з буракамі прывезлі артылерыйскі снарад
На цукровы завод у Жабінцы прывезлі артылерыйскі снарад. Небяспечная знаходка знаходзілася сярод буракоў, піша vb.by. Снарад выявілі ўвечары 18 снежня, калі караняплоды праходзілі праз каменепастку.
На месцы здарэння працавала сапёрна-піратэхнічная групу з Брэста. Снарад узарвалі ў бяспечным месцы.
Дарэчы, такі ж выпадак на прадпрыемстве адбыўся 1 лістапада. Тады снарады таксама выявілі ў каменепастцы. Як кажа афіцыйны прадстаўнік УУС Ілля Помін, 76-міліметровыя снарады часоў Другой сусветнай вайны, што засталіся на палях, часцяком камбайны збіраюць разам з караняплодамі і адвозяць на заводы. На Жабінкаўскім цукровым заводзе такія выпадкі здараюцца некалькі разоў за сезон.
