На Брэстчыне знайшлі дзве ўнікальныя манеты часоў Рыма (фота)
Медную і бронзавую манеты недалёка ад Пружанаў знайшоў мясцовы аматар гісторыі і культуры, паэт-пчаляр Мікола Папека.
"Адна манета імператара Антаніна Пія (Аўгуста). А другая манета дык і наогул нечаканая: гэта манета грэчаскай чаканкі, найхутчэй горада Ніказія, III стагоддзе, манета Гардзіяна ІІІ, — распавядае Еўрарадыё спадар Папека. — Цікава, што гэты Гардзіян ІІІ веў войны на дунайскіх межах. Калі трымаеш манету ў руках, дык думаеш, а ці не ўдзельнічаў нехта адсюль родам у бітвах з гэтым імператарам Гардзіянам!"
Манеты ў дрэнным стане, бо ляжалі на полі і зведалі уздзеянне ўгнаенняў.
На фота: аверсы і рэверсы знойдзеных манет; так выглядае манета Гардзіяна ІІІ ў добрым стане.
Фота: Еўрарадыё.
![](/sites/default/files/legacy_articles/images/2013/09/1_21.jpg)
![](/sites/default/files/legacy_articles/images/2013/09/3.erf_rp1357.jpg)