МЗС Сербіі: Далучэнне да санкцый ЕС не азначае спынення адносін з Беларуссю

Сербія падтрымлівае рэзалюцыю ЕС аб увядзенні санкцый у дачыненні да беларускіх службовых асоб, аднак гэта не азначае спынення двухбаковых адносінаў, заявіла Міністэрства замежных спраў Сербіі, паведамляе БелаПАН.

Як вынікае з дакумента, ЕС заклікаў Бялград зрабіць гэты крок, паколькі Сербія з'яўляецца патэнцыяльным кандыдатам на ўступленне ў Еўрасаюз.

"Прымаючы рашэнні аб далучэнні да дэкларацый ЕС, Рэспубліка Сербія кіруецца перш за ўсё нацыянальнымі інтарэсамі. Павага правоў чалавека і прынцыпаў свабодных і дэмакратычных выбараў, а таксама агульнапрызнаных міжнародных выбарчых стандартаў — гэта частка тых каштоўнасцяў, якія Сербія раздзяляе з ЕС, таму Сербія падтрымала дэкларацыю ў першую чаргу", — падкрэслівае МЗС.

Знешнепалітычнае ведамства Сербіі зазначае, што далучэнне да рашэння ЕС прадугледжвае ўвядзенне пэўных прававых працэдур на нацыянальным узроўні. Рашэнні аб абмежавальных мерах у дачыненні да беларускіх чыноўнікаў павінны прыняць адпаведныя міністэрствы.

Абмежавальныя меры не тычацца простых грамадзян дзвюх краін, гаворыцца ў паведамленні.



Апошнія навіны

Галоўнае

Выбар рэдакцыі