МЗС — пра "справу БЕЛТА": Сітуацыя не мае дачынення да свабоды СМІ
Ператрусы ў офісах БелаПАН і tut.by, а таксама затрыманні журналістаў ніяк не звязаныя са свабодай СМІ ў Беларусі. Пра гэта заявіў начальнік упраўлення інфармацыі і лічбавай дыпламатыі — прэс-сакратар МЗС Анатоль Глаз, каментуючы сітуацыю.
У сваім адказе дыпламат адзначыў, што гэтай справай займаецца Следчы камітэт.
"Не варта шукаць нейкай іншай падаплёкі або "падводных камянёў" — сітуацыя ніякім чынам не ляжыць у палітычнай плоскасці і не мае ніякага дачынення да пытанняў свабоды СМІ альбо журналісцкай дзейнасці ў Беларусі", — заявіў прэс-сакратар МЗС.
Ён дадаў, што фігурантаў расследавання падазраюць у неправамерным доступе да платнай інфармацыі. Анатоль Глаз прапанаваў разглядаць гэтае пытанне як чыста прававое пытанне.
