МЗС: Беларусаў сярод пацярпелых у берлінскай трагедыі няма
![МЗС: Беларусаў сярод пацярпелых у берлінскай трагедыі няма](/sites/default/files/styles/gallery_main/public/2023-08/berlin-2012.jpg.webp?itok=AptZhsUy)
Міністэрства замежных спраў Беларусі кажа, што няма звестак пра нашых суайчыннікаў, пацярпелых у трагедыі ў Берліне.
У сацсетках на афіцыйным акаўнце МЗС гаворыцца: "На цяперашні момант у МЗС ФРГ няма інфармацыі аб тым, што сярод ахвяр і пацярпелых у выніку трагедыі ў Берліне ёсць беларускія грамадзяне".
Нагадаем, што ў ноч на аўторак у наведвальнікаў каляднага базару ў Берліне ўрэзаўся грузавік з металічнымі балванкамі. Паводле апошніх звестак, пры гэтым 12 чалавек загінулі, а яшчэ 48 былі шпіталізаваныя з разнастайнымі траўмамі.
Паліцыя мяркуе, што наезд быў учынены наўмысна. Кіроўца грузавіка (як мяркуецца, пакістанец па нацыянальнасці), уцёк з месца здарэння.
На данный момент у МИД ФРГ нет информации о том, что среди жертв и пострадавших в результате трагедии в Берлине имеются белорусские граждане
— МИД Беларуси (@BelarusMID) December 20, 2016