Вы тут

Мужчыну, які зняў на відэа інцыдэнт з атракцыёнамі ў Александрыі, асудзілі

Павел Пятроўскі / svaboda.azureedge.net

Мужчыну, які зняў на відэа здарэнне з атракцыёнамі ў Александрыі, далі сем сутак арышту, паведамляе Радыё "Свабода".

Прадпрымальніка з Брэста Паўла Пятроўскага затрымалі супрацоўнікі КДБ, а 13 ліпеня яго асудзілі. Афіцыйная матываця — частка 2 артыкула 19.11 КаАП (Распаўсюд інфармацыйнай прадукцыі, уключанай у рэспубліканскі спіс экстрэмісцкіх матэрыялаў, а таксама выраб, выданне, захоўванне або перавозка такой інфармацыі). Да суда Пятроўскі трое сутак правёў у Шклоўскім РАУС.

Відэа, якое зняў Пятроўскі, з'явілася ў ТГ-канале Антона Матолькі. Сам канал у Беларусі прызнаны экстрэмісцкім.

Пятроўскаму 42 гады. Па адукацыі ён настаўнік гісторыі. Жанаты, у сям’і двое малых дзяцей — аднаму тры гады, другому 10 месяцаў.

Здарэнне на фэсце "Александрыя сустракае сяброў", адбылося 11 чэрвеня. Моцны вецер падняў у паветра кепска замацаваны батут, на якім забаўляліся дзеці. Паведамлялася, што пры гэтым пацярпелі сем чалавек. 

Здарэнне ў Александрыі / кадр з відэа

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.