Мінздароўя абавязала грамадскія прыбіральні мець паперу і ёршыкі

Уступае ў сілу пастанова Міністэрства аховы здароўя Беларусі ад 2 лютага 2023 г. № 22. Гэты дакумент сцвярджае санітарныя нормы і правілы, апроч іншага, для грамадскіх прыбіральняў.

Цяпер, напрыклад, усе грамадскія прыбіральні абавязаны мець туалетную паперу, ёршыкі і стульчакі. Таксама Міністэрства аховы здароўя абавязвае іх назапасіцца дазатарамі з вадкім мылам і папяровымі сурвэткамі.

Ужо з 17 красавіка адсутнасць згаданых прадметаў у грамадскіх туалетах будзе лічыцца парушэннем санітарных нормаў і правілаў: можна будзе скардзіцца ў Міністэрства аховы здароўя і мясцовыя органы ўлады.