Мінгандлю вынесла 21 прадпісанне інтэрнэт-крамам спартыўнага харчавання
Яны павінны выправіць выяўленыя парушэнні правоў спажыўцоў і правілаў гандлю.
Міністэрства гандлю Беларусі праверыла шэраг інтэрнэт-крамаў, якія займаюцца рэалізацыяй спецыялізаванай харчовай прадукцыі для харчавання спартсменаў. У выніку былі выяўленыя парушэнні правоў спажыўцоў і правілаў гандлю. Суб'ектам гаспадарання вынеслі 21 папярэджанне.
Мінгандлю нагадвае, што са студзеня 2009-га ў нашай краіне забаронены продаж па ўзорах без (альбо па-за) гандлёвага аб'екта спецыялізаванай харчовай прадукцыі для харчавання спартсменаў. Такім новаўвядзеннем чыноўнікі спадзяваліся забяспечыць якасць і бяспеку прадукцыі, якая прадавалася.
Як адзначае прэс-служба Мінгандлю, цяпер вядзецца праца па прыцягненню парушальнікаў да адміністрацыйнай адказнасці.
Фота: Fotolia