Міліцыянты кляліся апазіцыянеру Вінаградаву "на крыві": Заўтра не прыйдзем!
Грамадскага актывіста Паўла Вінаградава ў пятніцу выпусцілі з міліцыі Маскоўскага раёна сталіцы.
"Прафілактычная гутарка доўжылася 13 гадзін. Міліцыянты пакляліся на крыві, што заўтра за мной не прыйдуць", — напісаў Вінаградаў у сацыяльных сетках.
Нагадаем, актывіста, які знаходзіцца пад прафілактычным наглядам міліцыі, праваахоўнікі забралі з дому а 7-й раніцы. Міліцыянты сказалі, што з ім будзе праведзеная "прафілактычная гутарка". Павел Вінаградаў лічыць, што яго забралі ў сувязі з самітам прам’ераў СНД у Мінску.
