Вы тут

Міхаіл Саакашвілі заявіў, што вярнуўся ў Грузію (відэа)

Міхаіл Саакашвілі / Reuters

Экс-прэзідэнт Грузіі Міхаіл Саакашвілі паведаміў, што вярнуўся ў Грузію, дзе яго чакае некалькі крымінальных спраў і арышт. 

"Добрай раніцы, Грузія. Ужо з Грузіі, праз восем гадоў", — напісаў ён у сацсетках.

Неўзабаве пасля гэтага Саакашвілі апублікаваў відэа з Батумі. Але якасць не дазваляе пацвердзіць, што відэа сапраўднае.

Улады Грузіі ўжо заявілі, што ў выпадку прыбыцця экс-прэзідэнта на радзіму яго неадкладна арыштуюць. МУС Грузіі кажа, што Саакашвілі "афіцыйна не перасякаў мяжу".

Раней Саакашвілі публікаваў электронны квіток на самалёт Кіеў-Тбілісі. Згодна з ім, ён павінен быў прыляцець вечарам 2 кастрычніка, калі ў Грузіі адбудуцца выбары ў гарадскія саветы і мэры гарадоў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.